21:00etan hasiko da ekitaldia eta hiru bertsolarik parte hartuko dute bertan, horietatik bi eskualdekoak: Iker Zubeldia zegamarra, Unai Mendizabal zizurkildarra eta Bixente Gorostidi amezketarra.
Bertso afariak bi prezio izango ditu, adinaren arabera. Helduen menua 25 eurokoa izango da eta plater nagusia txahal saiheskia parrilan izango da. Haurren menua, berriz, 10 eurokoa izango da eta solomoa patatekin izango da plater nagusia.
Txartelak herriko tabernetan daude salgai edo 673 469 269 telefono zenbakira deituta eman daiteke izena. Txartelak erosteko azken eguna maiatzaren 25a izango da. Antolatzaileek jakinarazi dutenez, bertso afariaren gaua trikiti eta pandero doinuez girotuko da. Bestalde, afaldu ondoren elkartean edariak eskatzeko aukera izango da.