Bake epaile eta ordezkoaren izendapena egiteko prozedura abian jarri dute Amezketan. Hainbat baldintza bete behar ditu hautagai izan nahi duenak.
Besteak beste, 18 urte izatea eta Espainiako nazionalitatea izatea; euskararen ezaguera, ahozkoa behintzat menperatzea, Amezketako biztanleria ia %100ean euskaraz erlazionatzen baita; eta Amezketako herrian bizi izatea.
Izen ematea Amezketako Udalaren Erregistro Nagusian egin behar da, deialdi iragarkia Gipuzkoako Aldizkari Ofizialean argitaratzen den lanegunetik hasi eta ondorengo 20 lanegunetako epean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!