Egurrezko 2 kubo edo “totem” jarri dira Beltzaren plaza ondoko jolastokian: Horia, plastikozko ontziak, metalezko ontziak eta brik motako ontziekin; eta berdea beirazko ontzi eta botilekin. 4 astez herriko beste zenbait lekuetara mugituko dira.
Tolosaldeko landa eremuan, Amezkezketa barne noski, bataz beste sortzen den zaborraren % 58,58 birziklatzen da eta hori datu ona da. Hala ere, birziklatzen ez den beste zatia, % 41,42, errefusara doa, eta guztiak ez luke errefuxara joan behar. Badago zati garrantzitsu bat gaika birziklatu beharko litzatekeena.
Errefusaren edukiontzira botatakoaren %77,71 baino ez da benetako errefusa, eta gainerako %22,29a organikoa, plastikoa, beira edo papera da. Beste era batera esanda, errefusara botatzen diren 4 materialetatik bat ez da errefusa. Datu hori hobetzeko erronak du Udalak, eta herritarrei dei egin die hori lortzeko.
Bestalde, konposta egiten duten herritarren praktika "egokia" txalotu du udalak. Amezketako etxebizitzen %64k egiten du, eta honek "amezketarrek ingurumenaren zaintzarekin konpromisoa dutela erakusten dute", udalaren ustez.