Tolosako jaialdia 16:30ean hasiko da Errandonea-Lasa IV eta Etxeberria-Merino I.aren arteko partidarekin.
Jokin Altunak Eibarren jokatuko du seigarren jardunaldiari dagokion partida, astelehenean, Martija lagun Bengoetxea VI-Larunberen aurka. Pilota aukeraketa partida baina ordubete lehenago egingo dute. Urteko lehen pilota jaialdia 17:00etan hasiko da, eta lehen partida Retegi-Jaunarenak eta Jaka-Erostarbek jokatuko dute.
Zazpigarren jardunaldia
Amezketarrak Tolosan zazpigarren jardunaldiko partida jokatuko du. Altuna III-Martija bikotearen aurkariak Irribarria eta Merino II.a izango dira. Asegarce-k jaialdi hori 17:00etarako iragarri du. Oraindik lehen partida zehazteke dago.