Kuadrilla eguneko ajea alde batera utzi, eta herriko plaza tantaka-tantaka betetzen hasi da, gaur, Amezketan. Aitzakia ez zen makala, gainera: herri kirolen belaunaldi berriak jo eta su ikusteko hitzordua egina zuen, sanbartolomeetako egitaraua.
Lau talde aritu dira, eta kronometroa izan dute aurkaririk gogorren, lehiakideekin batera. Horrela, segan, zaku lasterketan, 50 kiloko zakua eramanez, lokotx biltzean, korrika eta pilotatxoak jasoz aritu behar izan dute, nor bere postuan.
Amezketarrak lotsati hasi dira animoak ematen, baina giroa ederki epeldu da probek aurrera egin ahala.
