Amezketako Udalean momentuz jatorriaz ezin dutela ezer argitu jakinarazi diote Tolosaldeko Atariari: "Ez dakigu istripua izan den edo nahita izan den". Herriko langileak eta Iñaki Amundarain alkatea bertaratu dira eta edukiontziak Tolosaldeko Mankomunitatearenak izanik, udala eurekin harremanetan jarri nahian ari da. 11:00ak aldera edukiontzi berriak jarri dituzte.
Ertzaintzak 2:30ean jaso du deia eta suhiltzaileak joan dira sua itzaltzera. Ez dute frogarik aurkitu sua nahita eragindakoa edo nahi gabe piztu den jakiteko. Hortaz, bertan behera utzi dute ikerketa Ertzaintzak Tolosaldeko Atariari adierazi dionez.
