Amezketako Udalak etxebizitzen inguruko informazioa banatu du etxeetara. Izan ere, Eusko Jaurlaritzak azken urteetan araudi bat onartu du Eraikinen Ikuskaritza Teknikoa (EIT) bultzatzeko helburuarekin. EIT-a etxebizitza eraikinen egoeraren azterketa teknikoa da.
EIT-a egiteko derrigortasuna eraiki zirenetik 50 urte bete dituzten bizitegi eraikin guztiek dute, eta baita, adin batekoak edo bestekoak izanda ere, zaharberritzerako, energiaren eraginkortasunerako eta irisgarritasunerako laguntza publikoak eskatzen dituzten eraikin guztiek.
EIT-a egiteko eta aurkezteko epea, eraikinak 50 urte edo gehiago baditu, 2017ko ekainaren 27tik 2018ko ekainaren 27ra arte izango da, eta udaletxean aurkeztu beharko da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?