Aste Santuko atsedenaren aurretik Zumadi eskolakoek irteera antolatzeko aukera izan dute. Komunikazioan trebatu eta eskualdeko tokiko komunikabidea erraietatik ezagutu dute. TOLOSALDEKO ATARIA-n izan ziren 3. eta 4. mailako 22 ikasle martxoaren 17an eta martxoaren 31n berriz, 5. eta 6. mailako beste 32 neska-mutil hartu zituen erredakzioak.
Albiste prebisioez, egunkarien egituraketaz eta komunikazio multimediaz hainbat azalpen jaso bazituzten ere, ondoren gehien gozatu zuten unea iritsi zen: irrati estudioan sartu eta mikrofono aurrean hitz egitea.