#BadatozInauteriak 2017

Mozorro desfilea eskolatik plazara bitartean

Tolosaldeko Ataria 2017ko ots. 23a, 14:58

Zumadi eskolako haur eta irakasleak ohiko ikasgelak atzean utzi eta musika lagun, ikastetxea atzean utzi eta desfilea osatuta herriko plaza arteko bidea egin dute. Frontoi zaharra baliatu dute eszenatoki gisara eta mozorroak emandako 'izate' berri horiek plazaratu dituzte familiartekoen aurrean.

Txikienak azken asteotan hezurdura ikasgelan landu dutela aprobetxatuta 'eskeletoz' jantzi dira burutik hasi eta hankak bitarte. Eskeletoen modura dantzatu dute frontoian. Segidan, mailaz maila ikasle nagusiagoen txanda iritsi da. 

Amezketan egonik ezin falta Talai dantzarien erakustaldia. Irakasleez gain, hainbat guraso eta herritarrek lagundu diete gaztetxo hauei makilak behar bezala astintzen.Jarraian, doinuz erabat aldatuz eta raperoak iritsi dira, euskal raperoek ondo ikasita zuten kantatu beharreko abestia. Eta hippyentzako tokia ere izan da, tokia hartu baitute gazteek: autobusa eta pankarta eta guzti sartu dira frontoira: "Dont't worry, be happy bezalako mezuak zabalduz". Zerbitzariak, kirolariak eta iragarkien lehiaketa ere ez dira falta izan Zumadikoen jaialdian. Sormena osasuntsu dagoelaren seinale. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!