Bestalde, aditzera eman nahi da eguraldiaren gorabeherak direla-eta obretako zenbait eremuren asfaltatze lanak egun batzuk atzeratu direla. Izan ere, lan hauei ekiteko eguraldiaren baldintza batzuk bete behar izaten dira, eta azken asteetan izandako baldintzek ez dute esandako asfaltatze lanak egiten utzi.
Amezketako Udaletik azaldu dutenez, «ulertzen ditugu obra honek auzotarrei sortzen dizkien eragozpenak, baina eragozpen hauek ohikoak edo ezinbestekoak izaten dira eta hauek leuntzen saiatzen ari gara». Lanek sortutako eragozpenak «barkatzeko» eta «pazientziarekin hartzea» eskertzen dutela diote udaletik.