Eskualdeko pilota elkarteei dagokienez, Aurrera Tolosa eta Zazpi Iturri izango dira parte hartzaileak.
Hasierako kanporaketako partidak elkarteen egoitzetan jokatuko dira. Hortik lehen fasera sailkatzen direnek, Idiazabal eta Zumarragako pilotalekuetan jokatuko dituzte norgehiagokak. Ondoren, final laurdenetatik aurrera, nazio mailako txapelketa Amezketara joango da. Ondorioz, final laurden eta finalerdi guztiak Larrunarri pilotalekuan jokatuko dira, baita txapela erabakiko duen finala ere.
III. Pilota Elkarteen Arteko Nazio Txapelketa aurkeztu zuten iragan astean Alegiako Route 33-n. 20 elkartek parte hartuko dute aurtengo edizioan, eta lehen kanporaketak abenduko lehen asteburuan jokatuko dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!