San Martin ermitaren bueltan ospatzen dute eguna Amezketan. Gaurkoan, nahiz eta eguraldi petral samarra dagoen, herritar asko igo dira ermita ingurura. Askok aspaldi ikusi gabekoak agurtzeko aprobetxatu dute eguna; muxu eta besarkadak izan dira horren lekuko. Meza izan dute lehenengo, eta ondoren, hamaiketakoa egitera joan dira bertako tabernara, trikiti eta pandero soinuak lagundurik.
Eguna borobiltzeko, haurrek bazkaria izan dute Zazpi Iturri elkartean, eta filma bat ikusteko aukera ere izan dute. Erretirodunak ere bildu dira bazkari legea egiteko, hauek Beartzana jatetxean izan dute bazkaria, trikitilari eta bertsolariekin.
Arratsaldean haur jolasak egongo dira, frontoian, eta ondoren, merienda izango dute.