2002. urtean eraikitako jolastokia eraberritu du Amezketako Udalak: "Urteak pasa ahala, jolastokiko elementuak desgastatu egin dira eta elementu horiek ez zituzen betetzen gero eta zorrotzagoak diren segurtasun neurriak", adierazi du Amezketako Udalak.
Herritarren segurtasuna "bermatzea" da udalaren ardura nagusietako bat. Horrela, udal arduradunak harremanetan jarri ziren jolastokien hornikunaz arduratzen diren enpresa batzuekin. Enpresa bakoitzak egitasmo bat aurkeztu zuen, eta Udalak Electro Talleres Zarauz enpresari esleitu zion horniketa: 22.175,97 euroko aurrekontua izan du.
Jolastokiak 120 metro karratuko azalera leuna du oinarri, eta lau elementu izango ditu: bi kulunka eta bi multzo, txirrista eta hodiez osatuata. Multzo horiek lokarri eta irudiak dituzte, eta sei urte arteko haurrek erabil ditzakete. Kulunkak, berriz, 13 urte arteko herritarrek erabiltzeko aukera dute.
Udalak deia egin die herritarrei erabilpenerako adina errespeta dezatela, jolastoki berria ahal den modurik egokienean erabil dezatela, eta ingurua garbi manten dezatela, bertan dauden paperontziak erabiliz.