Suziriarekin eta kanpai hotsekin hasi dira gaur Ugarteko jaiak. Helduak eta gaztetxoak bide bera hartu dute hasieran, baina batzuk elizara joaten ziren bitartean, besteak pilotalekuan gelditu dira.
Amezketako festetan herriko pilotari txikien txapelketaren finala jokatzen da. Ugarteko festetan, aldiz, errebantxa. Protagonista berak izan dira gaur goizean Ugarteko pilotalekuan. 16 pilotari eta lau partida. Lehia oso politak atera dira, eta denetik izan dute: jokoa, borroka eta nola ez, umorea. Aipatu, errebantxarik ez dela egon, Amezketako irabazleek berriro irabazi baitute Ugarten.
Emaitzak:
Hussein-Xabat 4
Janitz-Oier 16
Balerdi-Enaitz 15
Ibiur-Ruiz 16
Janire-Garazi 5
Jaiza-Aixa 16
Oier-Alain 16
Txafei-Igor 10