.jpg)
Norgehiagoka estuak aurreikusten dira hiru kategoriatan. Kadete mailako finalean, Apezetxeak pilotari indar gehiago emango badio ere, Mata oso pilotaria da, aurreko koadroetan bikain moldatzen dena. Xalton Zabala Zazpi Itturri klubeko arduradunak adierazi duenez, "galtza bete lan izango dute bi pilotariek, ez naiz ausartzen irabazlearen izena esaten".
Jubenil mailan, Alberdi Etxeberria baino gazteagoa den arren, Xalton Zabalak honakoa esan du partidaren gainean: "Etxeberria indartsuagoa da, baina, Alberdik partida aurrera atera beharko luke. Bera da faboritoa".
Nagusietan, Perezek erakustaldia eman zuen finalerdian, Zubizarreta zazpiko arrastoan mantenduz; errebotera ere bidali zuen pilotariak. Halere, Zazpi Itturri klubeko arduradunak Santxoren aldeko apustua egiten du: "Santxo esperientzia handikoa da, laugarren finala izango du aurtengoa, eta ez du oraindik irabaztea lortu. Orain da bere garaia, gaur egungo buruz buruko pilotari onenetakoa baita".
Jokin Altuna eta Iker Iribarria pilotariek banatuko dituzte sariak.