Artzainak eta txakurrak Jauregi-Haundi ondoko zelaian elkartu dira, eta baita hauen bueltan ikusle ugari ere. Artzain eta txakur entzutetsuak tartean, erakustaldi bikainak ikusi ahal izan dira. Artzainak esan eta txakurrak egin. Ez beti. Ardiekin jolasean edota borrokan ibili dira artzainak. Txapelketetan egin ohi dituzten lanak egin behar izan dituzte bai txakur eta bai artzainek Amezketan.
Afal ordurako sagardo dastaketa dute amezketarrek eta 23:00etan Untza taldea hasiko bere doinuak eskaintzen. 00:00etan Euliaren hileta izango dute, eta honenbestez aurtengoek utzi dute beren arrastoa. Hala ere, goizaldera arte ez da festarik amaituko.
Igandea, errekuperatzeko egun paregabea izango da asko eta askorentzat.