Goiza kirola eginez hasi badute ere batzuek, gehienak eguerdiko poteoak elkartu ditu.
Larrunarri pilotalekura gerturatu dira tripa ondo betetzeko asmotan, eta behin bazkalduta jokoak izango dituzte segidan. Jokoak, baina poteoak lagunduta. Beraz, oihu, irri eta umorerik ez da faltako amezketarren artean. Kaleak alaituko dituzte, eta egunari jarraipena 21:00etako zahagi ardoarekin emango diote.
Argazki muntaiaren erakustaldia izango dute afal ostean, eta 23:00etan emango dio erromeriari hasiera Iratzar taldeak plazan. Atsedenaldian, kulero eta galtzontzilo lasterketa izango da animatu nahi duenarentzat.
Gaurko egun beteak azken egunari emango dio erreleboa, eta bihar amaituko dituzte Amezketan San Bartolome jaiak:
Bihar, abuztuak 27
12:30. Amaiur, Iruñeko dantza taldearen emanaldia, Larrunarri pilotalekuan.
18:00.Artzain txakurren erakustaldia, Jauregi-Haundi ondoko zelaian.
20:30. Sagardo dastaketa, plazan.
23:00. Untza taldearekin dantzaldia.
00:00. Euliaren hileta.
Segidan. Untza taldearekin goizaldera arte erromeria.
Tartean. Akelok guraso elkartekoen txekorraren zozketa.