Gustura egoteko moduan da amezketarra, Bizkaia Torneoa irabazi ostean, errenkadan udako beste txapelketa garrantzitsu bat irabazi duelako: Ama Zuriaren Torneoa. Aurrean bikote gogorra zuten, Olaizola II.a eta Untoria; dena den, Aspeko bikotearen kolore urdina soilik izan zuen partidak.
Altuna III.ak eta Zabaletak hasiera oso indartsu hasi zuten eta bederatzi kintze egin zituzten segidan: 0-9. Finalaren bigarren zatia ere bide beretik joan zen; 22-6 izan zen azken emaitza. Horrez gain, laukotean onena izendatu zuten amezketarra.