Aimar Olaizola eta Juan Martinez de Irujoren arteko finalerdia kolokan da. Goizuetarrak mina du ezker eskuan eta partida atzeratzea eskatu du. Esku Pilota Enpresen Ligak ez du aintzakotzat hartu bere eskaera, eta lau t'erdiko araudiaren arabera, atzerapenak ez direnez aurreikusten Altunak beteko luke bere lekua Olaizolak ez jokatzea erabakitzen badu.
Ostegunean, hilaren 12an, izango da pilota aukeraketa. Hurrengo egunean, Olaizola II.ak proba bat egingo du, lesioaren eboluzioa zertan den aztertzeko, eta beranduenera, azaroaren 14rako, larunbaterako alegia, erabakiaren berri eman beharko dio EPEL-ri.
Ez jokatzea erabakiko balu, Jokin Altunak beteko luke haren hutsunea igande honetan. Horrela balitz, material aukeraketa igandean bertan egingo lukete, lehen partidaren aurretik.