Maite Gurrutxaga amezketarrak Lazarillo saria irabazi du

Ataria 2015ko urr. 29a, 13:08

Amezketarrak album ilustratuaren ataleko Lazarillo saria jaso du Alaine Agirre bizkaitarrarekin batera. OEPLIk, Haur eta gazteentzako liburuen elkarteak, banatzen du sari hau.

Haur eta gazteen literaturako saririk aitzindariena da Lazarillo. 1958. urtetik aurrera eman izan da, hain zuzen, haur eta gazteentzat liburuen sorkuntza sustatzeko. Horretarako, 2.500 euroko bi sari banatzen dituzte album ilustratu eta literatura sailetan. 

Aurten, 51 proiektu aurkeztu dira, eta horietatik Maite Gurrutxagak eta Alaine Agirrek egindako 'Martin' lana izan da garailea. Testu eta ilustrazioen armonia, pertsonaien adierazkortasuna, eta diferentzia eta inozentziaren bidez transmititzen duen sentikortasuna baloratu ditu gehien epaimahaiak irabazlea izan den lanetik.

2008an hasi zen Gurrutxaga liburuak ilustratzen, Arte Ederren ikasketak burutu eta gero. Pasa den urtean Euskadi Literatura Saria irabazi zuen ilustrazioen atalean, 'Habiak' lanarekin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!