Ekaitz Saralegiri kontratua ez luzatzea erabaki du Asegarcek, 14 urteko loturaren ostean. 2001ean egin zuen profesionaletan debuta amezketarrak. Abuztuan, 36 urte egingo ditu, eta hurrengo astetik aurrera, ez du Asegarceren kamisetarekin jokatuko.
Saralegiren azken partida inauterietan izan zen, astelehenean. 18-9 galdu zuen Olaetxea-Apraizen aurka, Larunbe lagun zuela. Partida amaitu ondoren, enpresako ordezkariek berarekin bilera hitzartu zuten, astearterako. Enpresaren bulegoetara joan, eta bertan eman zioten Saralegiri albistea. Bere azken partida Tolosan jokatutakoa izan zela jakinarazi zioten, gainera.
Bihar, Eutsi Goiari! kirol saioan izango da Ekaitz Saralegi, Ataria Irratian, 12:30etik 13:00etarako tartean.