Galdakaok eta Usurbilek jokatu zuten igandean Euskal Herriko Elkarteen Arteko I. Txapelketa. Bizkaitarrak nagusitu ziren, 3-0eko emaitzarekin. Larrunarri, txiki gelditu zen, 450 ikusle inguru elkartu baitziren bertan. Pilota finalekin batera, Amezketan jai eguna izan zuten. Ekitaldiak goizetik hasi baitziren gauzatzen. Lehenik eta behin, Jauregi Haundin 40 pilotari ohi eta pilotari elkartu ziren goizean. Jose Mari Oterminek eta Gorka Garmendiak etxe horretako historia kontatzen zuten bitartean, bertan ekoiztutako sagardoa dastatu zuten guztiek. Ondoren, erromerian bazkaltzera joan ziren. Bazkalosteko giroa Eskudero eta Beloki bertsolariek alaitu zuten.
Baina eguneko protagonistak Usurbilgo eta Galdakaoko pilotariak ziren, eta hauek arratsaldean ekin zioten finalari. Lehen ezustekoa Legorburuk eman zuen, Xabi Urbieta gaindituz: 18-14. Usurbildarrek ez zuten espero emaitza hori, eta buruz-burukorako aldaketa, gaizki atera zitzaien. Santxo zen berez banaka jokatzekoa, baina Quinarengatik aldatu zuten, ondoren finaleko bigarren puntua binakakoan lehiatzeko. Urbietak galtzean, ordea, hankaz gora joan zitzaien guztia, eta buruz-burukoa galduta, finalak ihes egin zien gipuzkoarrei. Lehen edizioaren irabazlea beraz: Adiskide Elkartea.
Euskal Herriko Elkarteen Arteko I. Txapelketa
Galdakao-Usurbil 3-0
Lau t’erdian
Legorburu 18
Urbieta 14
Buruz-buru
Atutxa 18
Quina 9
Binaka
Elezkano I-Ibarrondo 22
Santxo-Gorrotxategi 19
III. Ogi Berri Migel Soroa
Jubenilak
Mugiro-Eskudero 22
Antso-Mendia 21
Etorkizunekoak
Matxinandiarena-X. Imaz 20
Elordi-O. Etxebarria 22
Nagusiak
Ugalde-A. Lasa 17
Urretabizkaia-Bilbao 22
Argazkiak: Jone Amonarriz eta Juan Antonio Garaikoetxea.