Pasaka edo paxaka pilota modalitate bat da. Luzeko pilota jokoa da, eta trinketean jokatzen da, gaur egun ezker pareteko frontoietan ere jokatzen den arren. Trinketeko jokorik zaharrenetakoa da.
Aralar inguruko herritarrei badira urte batzuk pilotazale, artzain, zein herritarrek garai batean jokatzen zituzten pilota jokoen inguruan kuriositatea piztu zitzaiela, eta hori dela eta, ikastaroa antolatzea erabaki dute. Ez da pasakaren inguruan antolatutako ekitaldi bakarra, izan ere, hainbat hitzaldi ere antolatu izan dituzte eta, azkena bukatu berri duten Mendi Astearen barruan.
Oiartzunen, Txost elkartearen eskutik, ari dira pilota modalitate zahar hau berreskuratzeko lanetan eta amezketarrak beraiekin daude harremanetan, "pilota modalitate zaharrak nolabait erakutsi eta berreskuratu asmoz".
Udaletxe azpian
Pasaka udaletxe azpian jokatzen zen, eta tenisaren tankerako esku pilota modalitatea da. Pilotariak, normalean, binaka aritzen dira. Sare bat jartzen dute kantxaren erdia, 1,20 metroko altueran, eta pilota alde batetik bestera bidaltzen dute sarearen gainetik.
Luzeko pilota joko guztietan bezala, kintzeka eta jokoka kontatzen da: 15, 30, 40 eta jokoa. Luzeko beste modalitateak ez bezala, pasakan ez dago arraiarik.
Ikastaroa
- Noiz: maiatzak 28, asteazkena
- Ordua: 17:00etatik 20:00etara
- Non: Beltzaren plazan, Arkaitzpe tabernaren aurrean. Euria egiten badu Altuna Anaiak pilotalekuan
- Nori zuzendua: 15 urtetik gorakoentzat