Irati Mujika amezketarra aske utzi zuten ostegunean, jardun politikoagatik 26/11 sumarioan auzipetuta dauden beste hiru gazterekin batera, hauen aurkako epaiketa amaitu bezain laster.
Asteazkena eta osteguna bitartean burutu zen Mujika, Idoia Iragorri Goizane Pinedo eta Unai Ruizen aurkako epaiketa Madrilen. Epaiketan polizien aurrean egindako deklarazioa ukatu zuten. Ostegunean amaitu zen epaiketa, eta hiru hilabetez espetxean egon ondoren, aske geratu dira, epaiaren zain.
Sumario horretan auzipetutako gainontzeko 36 gazte independentisten epaiketara ez aurkeztea erabaki zuten laurek, eta hiru hilabetez ezkutuan izan ondoren, urtarrilean atxilotu zituzten. Urtarrilaren 9an atxilotu zuen Polizia Nazionalak Mujika, Aramaion, kaletik bere bikotekidearekin zihoala.