Erreskatea goizean gertatu da: ezbeharra izan duen lagun batek deitu du SOS Deiak-era, Amezketako udalerrian dagoen Ganbotxiki mendian, Aralarren, mendizale bat irristatu eta ziurrenik besoa hautsi duela esanez. Ertzaintzako helikoptero bat eta erreskate unitateko ertzainak joan dira mendi horretara eta zauritua, 52 urteko gizonezkoa, jaso dute.
Ondoren Donostiako suhiltzaileen eraikinean dagoen heliportura eraman dute, eta handik anbulantzia batean Donostia Ospitalera eraman dute. Mendizaleak beso hautsita duela azaldu dute Ertzaintzako iturriek.