Tolosako Beotibar pilotalekuan jaialdi ederra antolatu zuten atzo arratsaldean, eta ikusleek modu berean erantzun zuten, hau da, frontoia betez. Giro bikain horretan garaipen handia lortu zuen Ekaitz Saralegi amezketarrak, Iker Arretxe gaindituz. Lau t’erdiko ligaxkako lehen garaipen honekin, finalerdietarako txartela bere eskuetan du Ekaitz Saralegik. Hirugarren eta azken partidan erabakiko da dena, eta amezketarrak Idoate izango du aurrean.
Partida borrokatua izan da, berdinketa eta etenaldi ugarirekin. Hasieran Ekaitz Saralegik hartu du aurrea, baina segidan pilatu ditu tantoak Arretxe II.ak, joko polita erakutsiz. Hamalauna, hamabosna, eta hamaisena. Hortxe puskatu du partida, landutako tanto politak gauzatuz.
Jaialdi azken partida jokatu aurretik, Olaizola II.ak eta Ezkurdiak jokatu dute Lehen Taldeko partida. Lehia ikusgarria izan da. Bi pilotariek pilota bizi-bizi ibili dute, eta ezustekoa emateko puntuan egon baldin bada ere Ezkurdia, azkenean Goizuetako txapeldun handiak irabazi du partida: 22-18.
Ligaxka
Lau T'erdiko Pilota Txapelketa
Bigarren Taldea (bigarren jardunaldia)
Saralegi-Arretxe II 22-16
Bengoetxea VI-Idoate 22-20
Sailkapena
1. Bengoetxea VI 2-0 (+16)
2. Idoate 1-1 (-1)
3. Saralegi 1-1 (-8)
5. Arretxe II 0-2(-7)
Hurrengo jardunaldia
Idoate-Saralegi
Bengoetxea VI-Arretxe II