Agurainen jokatu zen atzo Euskal Herriko Bertsolari Txapelketako lehenengo faseko azken saioa. Nerea Elustondo nagusitu zen, eta beraz, zuzenean sailkatu da finalaurrekoetara.
Hain justu, atzoko saioa eta gero, erabakita geratu da zeintzuk kantatuko duten finalaurrekoen lehenengo itzuliko lau saioetan. Lehenengo faseko saio bakoitzeko zazpi irabazleak zuzenean pasatu dira hurrengo fasera; irabazleez gain, puntu gehien batzea lortu duten hurrengo hamar bertsolariak ere igaro dira finalaurrekoetara.
Hori kontuan izanda, 24 bertsolari lehiatuko dira finalaurrekoetako lehenengo itzulian: izena eman duten 2022ko zazpi finalista eta lehenengo faseko saioetatik sailkatu diren 17 bertsolari.
Horietatik bi eskualdekoak izango dira: Aitor Mendiluze eta Oihana Iguaran. Mendiluze duela lau urte finalean izan zen, eta horregatik finalaurrekoen lehen itzulian sartuko da txapelketan. Gernika-Lumon kantatuko du azaroaren 7an. Iguaranek, berriz, Donapaleuko saioan kantatu zuen, eta bigarren egin zuen. 672.5 puntu lortu zituen, eta horri esker izango da hurrengo fasean. Eibarren izango da, urriaren 31n.
Hurrengo lau saioak, Larraun-Lekunberrin, Eibarren, Miarritzen eta Gernika-Lumon jokatuko dira.
Urriak 24 | Larraun-Lekunberri
Gai-jartzaile lanetan Aizpea Garmendia Iartza arituko da.
- Amets Arzallus Antia
- Beñat Gaztelumendi Arandia
- Gorka Pagonabarraga Agorria
- Saioa Alkaiza Guallar
- Xabat Galletebeitia Abaroa
- Xabat Illarregi Marzol
Urriak 31 | Eibar
Igotz Alkorta Irastorza izango da saioko aurkezlea.
- Alaia Martin Etxebeste
- Asier Azpiroz Iztueta
- Nerea Elustondo Plazaola
- Nerea Ibarzabal Salegi
- Miren Artetxe Sarasola
- Oihana Iguaran Barandiaran
Azaroak 7 | Gernika-Lumo
Igor Menika Bengoetxea izango da saioko gai-jartzailea.
- Agin Laburu Rezola
- Aitor Bizkarra Ruiz
- Aitor Mendiluze Gonzalez
- Ane Labaka Mayoz
- Aner Peritz Manterola
- Joanes Illarregi Marzol
Azaroak 14 | Miarritze
Ainhoa Larretxea Agirrek gidatuko du saioa.
Saio guztiak 17:00tan hasiko dira, eta sarrerak eskuragai daude Bertsosarrerak.eus atarian. Finalaurrekoetako saioak ETB 1 ON katean zuzenean emango dira. Horretaz gain, orain arte bezala, Hitzetik Hortzerako saioak igandeetan izango dira, 15:00etan, eta bertsoaldiak Bertsoa.eus-en eskegiko dira, astelehenetan.