Bost txapelketa antolatu ditu elkarteak: gomazko paletan binaka, eskuz banaka pilota goxuarekin gizonezkoena eta emakumezkoena, frontenis banaka eta paletaz banaka emakumezkoena. 16 urtetik aurrera izan behar da izena emateko. Beharzana.eus webgunean sartu eta bertan dago izena emateko galdetegia.
XIV. Antton Pebet Oroimenezkoa martxan
Bestalde, martxan dago Behar Zanak antolatzen duen Santio Txapelketa - XIV. Antton Pebet Oroimenezkoa. Guztira 61 bikotek jokatuko dute, beraz, 122 pilotarik gutxienez, eta 48 pilota talde izango dira ordezkatuak: Gipuzkoatik 25 talde, Nafarroatik 9 talde, Bizkaitik 11 talde, Arabatik 3 talde eta Errioxatik talde bat.
Lehen kanporaketak maiatzaren hasieran jokatu ziren, eta igande honetan lau partida jokatuko dira Bearzana frontoian, 10:00etatik aurrera. Lehenengoan Del Campo-Arriolabengoa (Aramaio) eta Labaka-Labaka (Ilunpe) artekoa. Bigarrengoa Gorostidi anaiak (Zazpi Iturri) eta Ibarra-Galartza (Eibar-Larraun) artekoa. Hirugarrengoan Egiguren-A. Garmendia (Lapke) eta Atxaerandio-Alava (Txukun Lakua) artekoa. Eta laugarrengoan Landa-Iturbide (Lagunak) eta Madina-Segurola (Intxurre-Gazteleku) artekoa.