Maiatzaren 11tik 13ra asfaltatze lanak egingo dituzte N-1aren Amasa-Otsabiko sarrera-irteerako bidegurutze osoan. Trafikoan eragina izango dute lanok.
Astelehenean, Amasarako errepidea asfaltatuko da Aldapetaraino. Txandakako pasoa emango da.
Asteartean, N-1eko zubia eta Otsabi auzoko errepidea asfaltatuko dira, Arratzainera igotzeko bidegurutzeraino –parke ondoan–. Txandakako pasoa emango da.
Asteazkenean, N-1eko Amasako bidegurutze osoa itxiko da. Ezingo da Villabonako elizako bidegurutzetik Amasara igo edo autobidera sartu. Amasatik Villabonara jaisteko, N-1 autobidea hartu beharko dute erabiltzaileek Donostiarako noranzkoan, eta Burni Zubiko irteeratik atera beharko dute.