Legarreta auzoko edukiontziak erretiratuko dituzte

Ataria 2026ko apirilaren 22a

Behin baino gehiagotan agertu dira edukiontziak hondakin desegokiz beteta, eta horregatik hartu du udalak gunea kentzeko erabakia.

Amasa-Villabonako Udalak jakinarazi duenez, Legarreta auzoko edukiontzien gunea hondakin desegokiz beteta topatu zuten atzo. Udaltzaingoa lanean ari omen da egileak identifikatu eta zigorrak ezartzeko.
 
«Leku horretan gauza bera gehiegitan errepikatu da, eta ondorioz, udalak bertako edukiontziak erretiratzea erabaki du», adierazi dute sare sozialetan udal ordezkariek.
 

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!