Gipuzkoako Boleibol Federazioak antolatuta, lehen aldiz egin da Gipuzkoa Cup txapelketa. Hondarribiko kiroldegian eta Villabonako Olaederra kiroldegian jokatu dira partidak, eta azken horretan jokatu dira finalak. Infantil mailan Aiztondo A taldeak bigarren postuan amaitu zuen, Torrelavega A taldearen aurka finala galduta. Hirugarren Torrelavega B izan zen eta laugarren Aidean.
Kadeteetan Aiztondok laugarren postua lortu zuen. Lehen hiru postuetan, hurrenez hurren, Daya Nueva, Murs Monjuit eta Rekalde taldeak sailkatu ziren. Open kategorian senior, junior eta jubenil mailakoak lehiatu ziren. Aiztondo laugarren izan zen, eta lehenengo hirurak Ostadar, Bera Bera eta Aidean izan ziren. Aiztondok lehenengo postua lortu zuen senior taldeen artean.