Ibilbidea amaituta, mendizaleek pozik zeharkatu dute helmuga. Lotarako ordubete gutxiago edukiagatik 900 lagun inguru animatu dira Aizkardi Mendizale Elkarteak urtero antolatzen duen mendi ibilaldira.
Berrogeita hamazazpigarren edizioa ospatu dute aurtengoa eta, ohi moduan, bi ibilbide izan dira aukeran: iraupen luzekoa, 46 kilometrokoa – 25. Euskal Herriko Iraupen Luzeko Ibilaldien Zirkuiturako baliagarria izan dena–, eta luzera erdikoa, 24 kilometrokoa. Bi ibilbideen irteera eta helmuga Ama Lurra plazan egon da, elizaren ondoan. Helmugara iristean, gainera, ibilbidea egin izanaren ziurtagiria jaso dute, eta indarrak berreskuratzeko hamaiketakoa ere izan dute.
Arratsaldean, 17:30ean, mendiko materiala eta laguntzaileek emandako opariak zozkatuko dituzte proba amaitu eta helmuga-puntuan dauden parte hartzaileen artean.