Boleiboleko Gipuzkoako Kopako finalak jokatuko dira Villabonako Olaederra kiroldegian larunbatean, eta tartean eskualdeko klubeko taldeak ariko dira parte hartzen. 09:00etan hasiko da jardunaldia, eta infantil errendimenduko Suge Trebeak eta Hernani 2 taldeak, infantil partaidetzako Aiztondo 1 eta Oarso gorria taldeak, eta infantil mutilen Aidean eta Bera Bera taldeak ariko dira lehian.
11:00etan kadete errendimenduko Tolobolei A eta Oarso Gorria taldeak, kadete partaidetzako Harresi 2 eta Aiztondo 1 taldeak, eta kadete mutilen Hernani eta Bera Bera ariko dira lehian. 13:00etan, jubenil nesken mailan Bera Bera eta Hernani izango dira aurkari.
Finalerdietan Aiztondoko bi talde elkarren aurka
Olaederra kiroldegian jokatu ziren bi finalerdi aurreko larunbatean. Infantil mailako Aiztondo 1 taldeak 3-0 irabazi zion Aiztondo 2 taldeari. Bestalde, ohorezko kadete mailan, Aiztondok 2-3 galdu zuen Oiarsoren aurka.
Beste emaitza batzuk ere izan zituzten boleiboleko Aiztondoko taldeek asteburuan: seniorrek 0-3 galdu zuten Oarsoren aurka (ez zen kopako partida izan), kadete 1 taldeak 0-3 irabazi zuen Harresiren aurka, eta kadete 2 taldeak 3-0 galdu zuen Bera Beraren aurka.
Hori horrela, Aiztondo klubeko taldeen egoera Gipuzkoako Kopan ondorengoa da: Infantil 1 finalera, Infantil 2koek hirugarren eta laugarren postua erabakitzeko partida jokatuko dute, Kadete 1 finalera, Kadete 2koek zazpigarren eta zortzigarren postua erabakitzeko partida jokatuko dute, eta Ohorezko Kadeteak hirugarren postua lortzen saiatuko dira.
Argazkiak: Aiztondo NKT eta Gari Bengoetxea