Oinkari dantza taldeak 50 urte bete zituen ostegunean eta mende erdiko ospakizunak orduan abiatu zituen. Atzo, Olaederra kiroldegian 50 urte dantzan ikuskizuna egin zuten arrakasta handiz eta gaur egingo dituzte jai giroko ekitaldiak.
Goizean Oinkariko dantza eskolan dabiltzan gaztetxoen txanda izan da. Herriko auzoetatik kalejira egiteko asmoa zuten, baina giro hotzagatik Villabonako udal pilotalekuan bildu dira 10:30erako. Hamaiketakoa egin eta gero egin dituzte dantzak. 100 gaztetxo baino gehiago bildu dira gaurko hitzordura.
Egunak luze joko du hala ere. Hauxe gaurko Villabonako dantza taldeak antolatu duen egitaraua:
- Azaroak 22, larunbata
- 14:30. Bazkaria Aburuza sagardotegian.
- 20:00. Erromeria Errebote plazan, Gozategi taldearekin.
- 21:30-23:00. Afaria Urrizpe tabernan.
- 22:00. DJ Fer Urrizpe tabernan.
- 00:30. DJ Zigor DZ Urrizpe tabernan.