Jai giroa borobiltzeko, pilotarien botilero lanetan bi bertsolari aritu dira: Oihana Iguaran eta Iker Zubeldia. Amasarrak gazteak animatu ditu, eta zegamarrak beteranoak.
Ordu honetan, hau da, 18:00etan, umeentzako ipuin kontalaria izango dute: Amaia Ruiz de Galarreta. Ondoren, 19:00etan, txupinazoa botako dute, eta orduan jaitsiko da Martina Sorgina.
Biharko egitaraua
- 17.00. Mus txapelketa herrikoia kultur etxean. Bikoteko batek Amasakoa izan behar du eta izen ematea egunean bertan.
- 17.30. Herri kirolak umeentzat.
- 19.00. Toka txapelketa herrikoia.
