Hellbona metal jaialdia izango da larunbatean, hilaren 11n, Villabonan. Bosgarren edizioa izango da aurtengoa, eta zortzi talde ariko dira. Berdura plazan, Bourbon Kings, Itinerum, Izan bai eta Obego ariko dira, eta Ajibean, Knives, Ztah, Mutilated Judge eta Shallow Waters.
Talde guztiak euskaldunak dira, eta ohiko moduan, sarrera doakoa izango da. Hellbona elkarteak herritar guztiak gonbidatu ditu: «Urtetik urtera jende gehiago ari da animatzen, eta hori nahi dugu, izan ere, babesleren baten laguntza kenduta, gure diru sarrerak egun horretako kontsumizioen irabaziak izaten dira. Gainerakoan, oso zaila litzateke proiektua aurrera eramatea».