Amasamendiko proiektu eolikoaren inguruko batzar informatiboak antolatu ditu Amasa-Villabonako Udalak. Irailaren 19an eta 25ean euskaraz izango dira batzarrak, eta irailaren 26an, berriz, gaztelaniaz. Beatriz Unzue alkateak eta Ander Goikoetxea Ingurumen zinegotziak batzarretan hizlari gisa parte hartuko dute.
«Proiektu honek herrian eragin duen kezka kontuan hartuta, beharrezkoa iruditu zaigu momentu honetan proiektuari buruz dakigun guztia eta gure taldeak dituen iritziak gardentasun osoz herritarrei azaltzea», adierazi du Unzuek.
Hauxe da batzarren egutegia:
- Irailak 19, ostirala, 19:00etan Amasako kultur etxean euskaraz.
- Irailak 25, osteguna, 19:00etan Gurea antzokian euskaraz.
- Irailak 26, ostirala, 19:00etan Gurea antzokian gaztelaniaz.