Amasako Uxo-Toki elkarteko kideek eta herriko gazteek antolatuta, Txakolin Eguna ari dira ospatzen. Getariko izendapena duten txakolinak dastatu ahal dira plazan, eta goizean goizetik plazan erre duten txekorraren pintxoak ere bai.
Aurretik, baina, laugarrenez, Sega Txapelketa herrikoia egin dute. Bederatzi parte hartzaile izan ditu, Mikel Arretxe, Arkaitz Arretxe, Jon Beldarrain, Joseba Astiasaran, Julen Etxeberia, Jon Ezeiza, Kepa Otegi, Aimar Iraola eta Manex Ugarte, eta horietatik, Kepa Otegi, Arkaitz Arretxe, Manex Ugarte eta Jon Ezeiza pasa dira finalera. Finalean, Arkaitz Arretxe gailendu da, eta bere atzetik sailkatu dira Kepa Otegi, Jon Beldarrain eta Manex Ugarte.