Villabonako Irrintzi elkarteak antolatuta, XXX. Azoka Berezia izango da larunbatean, hilaren 13an, Errebote plazan. Ohi bezala, artisautza eta elikagai postuak egongo dira goiz osoan.
Aurten ere, isats gisatu lehiaketa egingo dute azokarekin batera. Parte hartzaileei isatsa banatuko zaie eta bakoitzak bere aldetik prestatuko du. Azken ukitua emango diote larunbatean Errebote plazan bertan, eta eguerdian jakingo dira irabazleen izenak.
Bestalde, azokaren ostean, bazkaria egingo dute Irrintzi elkartean, eta isatsa dastatzeko aukera izango da. Edonork bazkaldu ahalko du bertan, eta horretarako 25 euro ordaindu beharko da.