Txermin auzoan, ikastolaren alboko paretan, horma-irudia berria margotu du Nextor Otaño @nexgraff artista gazteak.
Irudiarekin batera Joxean Artzeren hitzak ere ageri dira lan honetan: «Iturri zaharretik edaten dut, ur berria edaten, beti berri den ura, betiko iturri zaharretik».
Aurretik ere Otañok horma-irudiak marraztu izan ditu Arroan, Fleming herri eskolako eraikinean, Olaederra kiroldegian eta baita Aljibean ere. Obra hori osatzera dator, orain, Txermingo ikastolaren eraikinaren alboan egin duena.
