Amasako Uxo-Toki elkarteko kideek eta herriko gazteek, urtero bezala, Txakolin Eguna antolatu dute. Irailaren 13an ospatuko dute aurten. Getariko izendapena duten txakolinak dastatu ahal izango dira plazan eta goizean goizetik plazan erreko duten txekorraren pintxoak dastatu ahal izango dira arratsaldean.
Txakolin dastaketaren aurretik, 16:30ean IV. Sega Txapelketa Herrikoia egingo dute plaza ondoko lur sailetan. Bederatzi parte hartzaile izango dira: Mikel Arretxe, Arkaitz Arretxe, Jon Beldarrain, Joseba Astiasaran, Julen Etxeberia, Jon Ezeiza, Kepa Otegi, Aimar Iraola eta Manex Ugarte. Sega proba nazioarteko eran egingo da; alegia, azkartasuna eta txukuntasuna hartuko dira kontuan. Sailkapen proban 100 metro koadroko saila ebaki beharko dute. Lau segalari hoberenak finalera sailkatuko dira, eta 200 metro koadrokoa izango da ebaki beharreko saila.
Behin sega txapelketa amaituta, Amasako plazan izango da txakokin dastaketa eta pintxoak dastatzeko aukera.
Honako bideoa prestatu dute Uxo-Toki elkartekoek irailaren 13ko festa iragartzeko: