Azken eguna dute gaur Villabonako Santio jaiek, eta ez horregatik, jarduera gutxiagorekin. Goizetik dultzaineroek alaitu dituzte kaleak, eta herriko txikienek ur parkea izan dute eskura euren gozamenerako.
Eguerditik iluntzera ere denetariko hitzorduak dituzte billabonatarrek, hain zuzen, kalejira izango dute orain buruhandiekin, ipotxekin eta erraldoiekin eta 13:00etan emango du kontzertua Eresargi gazte abesbatzak.
Arratsaldean, berriz, sokamuturra izango dute Hernaniko dultzaineroek alaituta, eta 20:00etan hasiko da Remiren omenaldia. Eguna bukatzeko 20:30ean kaleak alaituko ditu Burrunba elektrotxarangak, eta egitaraua jaietako irudien proiekzioarekin itxiko dute, 23:00etan.
San Ignazio eguneko egitaraua
- 12:30. Buruhandi, ipotx eta erraldoien kalejira.
- 13:00. Eresargi gazte abesbatzaren kontzertua.
- 18:00. Sokamuturra Hernaniko Dultzaineroek alaituta.
- 20:00. Remiri XVI. urteurreneko omenaldia Remi Gogoan ekimenaren eskutik.
- 20:30. Burrunba elektrotxaranga.
- 23:00. Santioetako irudien proiekzioa.