Zubeltz kale antzerki elkartearen eskutik, Villabonako Kale Berrian gora denetariko ikuskizunak eskaini dituzte zenbait herritarrek. Askotariko ikuskizunak prestatu dituzte Amerikako Estatu Batuak (AEB) gaitzat hartuta. Mozorroetan herrialde horren historiako zein kulturako hainbat eta hainbat erreferentzia topa zitezkeen, besteak beste, Kennedy presidentea, Pulp Fiction pelikula, Michael Jackson abeslaria —eta, nola ez— Trump eta cowboyak.
Eta, goizean ikusteko aukerarik izan ez duenak, bigarren parada izango du 18:00etatik aurrera. Gauean, berriz, Eztanda taldearen kontzertua eta Euskaraokea izango dituzte, besteak beste.
