Irrintzi elkarteak 28. Garagardo Azokaren ateak zabalduko ditu bihar. Ostegunetik igandera 18:00etatik 01:00etara egongo da irekita Txermingo ikastola azpian.
26 garagardo mota egongo dira aukeran eta baita jatekoak ere, besteak beste, saltxitxak, gulak, kroketak, errusiar entsalada, muskuiluak, langostinoak baratxuri erara eta ukondoa.
Irrintzi elkarteak jakinarazi du Villabonakoa dela Gipuzkoan eta Euskal Herrian martxan den garagardo azoka «zaharrena». Donostiako Intxaurrondo auzoan abiatu zuten aurrenekoa, eta Villabonakoek huraxe izan zuten eredu, baita aurrea hartu ere, dagoeneko Intxaurrondon ez baitute egiten.