Azkeneko egunotan Txermingo aparkalekuko lanak egiten ari dira Villabonan. Udalak jakinarazi du «erritmo onean» doazela lanak. Eremu osoa asfaltatu eta marrak margotu arte, aparkalekua hutsik mantentzea erabaki dute. Lanak ostegunean amaitzea espero dute, eta ostiralean zabalduko dute ibilgailu guztientzat.
Ostiralera bitartean, udalak ezarritako ez ohiko eta behin-behineko aparkalekuak erabiltzen jarraitu ahal izango dira. Udalak barkamenak eskatu ditu eragozpenengatik.