Futbol txapelketan hamabost taldek parte hartuko dute, 200dik gora jokalari, alebin mailako lehen urtekoak. Billabonaz gain, eskualdeko beste hiru talde ariko dira lehian: Danena, Intxurre eta Tolosa. Parte hartuko duten beste taldeak hauek dira: Euskalduna, Reala, Beasain, Vasconia, Eibar, Ostadar, Touring, Pasaia, Ariznabarra, Beti Ona eta San Marcial.
Txapelketa 09:00etan hasiko da eta 13:15ak arte sailkatze fasea izango da. Tartean, 12:00etan, Manu Murielen omenez lore eskaintza egingo dute. 14:00ak eta 18:30ak bitarte kanporaketak izango dira, eta 18:40ean finala. Txapelketari bukaera emanez, sari banaketa 19:00etan izango da. Sarrerak 2 euro balio ditu, eta jasotako dirua Izan Inurri elkartearentzat izango da.