Oinkari dantza taldeak 50 urte beteko ditu azaroan eta urtemuga ospatzeko hainbat ekitaldi egingo ditu azaroaren 20tik 22ra. Horren aurretik, baina, ekitaldi gehiago ere izango dira. Esaterako, hurrengo larunbatean, hilaren 10ean, Lorezainen konpartsa aterako dute.
Hain justu, otsailean hasi zituzten konpartsa prestatzeko dantzarien entseguak, eta hainbat larunbatetan elkartu dira. 40 bikote inguru ari dira parte hartzen. Danbor-jotzailea martxoan hasi ziren prestaketekin, eta pertsonaiak, berriz, apirilean.
Maiatzaren 10earako egun borobila prestatu dute. Goizean herriko kaleak musikaz eta dantzaz alaituko dituzte eta parte-hartzaileen bazkariaren ondoren, emanaldia egingo dute Errebote plazan, 18:00etan.