Zehazki, ibilaldi luzean, 45 kilometrokoa eta 24. Euskal Herriko Iraupen Luzeko Ibilaldien Zirkuiturako baliagarria, 348 izan ziren atera ziren mendizaleak, eta 328 bukatu zutenak. Ibilaldi motzean, 22 kilometrokoa, 700 mendizale atera ziren eta 687 izan ziren amaierara iritsi zirenak.
Aizkardi mendi elkartetik azaldu dutenez, «dena ondo» joan zen: «Sekulako giroa izan zen, jendea oso pozik eta gustura, eta eguraldia kategorikoa». Bide batez, Aizkarditik eskertu diete boluntario, laguntzaile, babesle eta bereziki parte hartu zuten mendizaleei.
Hainbat argazki zintzilikatu dituzte antolatzaileek:
- 56. Aizkardiko Ibilaldia, ibilaldi luzea
- 56. Aizkardiko Ibilaldia, ibilaldi motza
- 56. Aizkardiko Ibilaldia, helmuga
- 56. Aizkardiko Ibilaldia, zozketa
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!