Bigarren urtez jarraian, Gipuzkoako Foru Aldundiak eta Bizikletaz Adinik Ez elkarteak hitzarmen bat sinatu dute lurraldeko 19 adinekoen egoitza berrietako 160 pertsonak trizikloan ibilaldiak egiteko aukera izan dezaten. Ekimena bihar iritsiko da eskualdera, izan ere, Villabonako Santiago egoitzan ariko dira 11:00etatik aurrera. Hiru boluntariok gidatutako hiru triziklok hartuko dute parte ibilaldietan, eta sei pertsona egoiliarrek gozatu ahal izango dute jardueraz.
Jardueraren helburua da egoitzetako adinekoak beren komunitatearekin konektatzea«esparru iraunkor, osasungarri eta berdintasunezko batetik, errespetua sustatuz eta belaunaldien arteko harremanak ehunduz».