Haize-bolada ez da aitzakia izan gaurko partida bertan behera uzteko, eta halaxe aritu dira. Hain justu, haizearen aurka egin dute futbol partida Arratzaingo zelaian Real Sociedad eta Billabona FKE taldeetako beteranoek. Herritar ugari gerturatu dira; batzuk txuri-urdinez jantzita eta beste batzuk berde-urdinez. Azkenean, txuri-urdinen alde izan da gaurko partida, 1-4 irabazi ostean.
Partida hasieran Jokin Aginaga zizurkildarra omendu dute. Izan ere, Real Sociedad eta Billabona FKE taldeetan aritu zen jolasean eta duela urte batzuk zendu zen. Hori dela eta, bi taldeetako jokalariek lore eskaintza egin diete Aginagaren senideei.